افاده عن نادي الجزيره للطيران

[ibrahim alshamsi]

السلام عليكم و رحمة الله و بركاته

شحالكم اخواني ان شاء الله بخير و صحه ونعمه

بغيتكم في مشوره لا هنتوا

انا اتصلت على نادي الجزيره والي رد علي تم يخربط وايد و الصراحه ما فهمت عليه

فقلت اسأل اهل العلم :41:

===

بغيت اعرف الرخص الي يمنحها النادي

و سألته عن طيارة السسنا لكن قال ما عندنا

و ما اعرف الطيارات الي عندهم و مدى قربها من السسنا

لاني ابا الليسن علشان يسهل لي القبول في كلية طيران الامارات و تكون عندي خلفيه صغيره عن الطيران و تكون لي حجه عندهم

و اعذروني ما ابا اثقل عليكم لكن محتاج الاجابه عن هذه الاسئله

- تنصحوني اقدم على اي ليسن ؟
- مدة الدراسه و كيفية تقسيم الحصص ؟
- اسعار الدراسه + طريقة الدفع ؟
- وين مكان النادي بالضبط ؟

لا تبخلون علي بالاجابات

و اعذروني ان اول موضوع كان طلب مساعده ^^

تقبلوا مروري
اخوكم ابراهيم الشامسي

( همسه : نفس الاسئله موجه لدي ام القيوين للطيران و شو المقارنه بين الناديين الجزيره و ام القيوين )

[mr. crash]

ولا يهمك الشيخ... المنتدى منتداك وحياك الله باي وقت.
على حد علمي وللخبراء رأيهم...
انت لا تحتاج اي رخصة من نادي الجزيرة او ام القيوين للطيران... هذه مجرد اندية للهواة فقط لاغير. رخصتها لا تقدم ولا تأخر.
بالنسبة لطيارة السسنا فهم بالفعل ما عندهم هذه الطائرات. كل الي عندهم طيارات الترا لايت يعني مجرد راكبين لا أكثر.
وبالنسبة للدراسة فأنت محتاج رخصة الطيار التجاري الالي (atpl/ir) اذا كنت حاب تتوظف في المستقبل.
وقبل هاي الرخصة لازم تمر على رخصتين: رخصة الطيران الخاص وهي رخصة السسنا (ppl). ورخصة الطيار التجاري (cpl). وكما ذكرت لهذه الرخص لا حاجة لنادي ام القوين والجزيرة.
اما اذا كنت ناوي تاخذ رخصة للاستمتاع فقط فهم يوفرو لك رخصة الالترا لايت. وبهذه الرخصة يمكنك ان تطير فقط في نادي ام القيوين والجزيرة وضمن مدارات محدودة.
وأما عن الدراسات والقبول والتقديم فأنا أعتقد انك من الأفضل تتواصل مع كلية الأفق للطيران في العين أو كلية الامارات للطيران في دبي. لان الموضوع كل يوم هو في شأن. والشباب ما بيفيدوك 100%.
تمنياتي لك بالتوفيق والنجاح...

[ibrahim alshamsi]

اشكرك اخوي على الرد السريع

انا عندي خلفيه كامله عن الدراسه

و بالفعل انا مقدم على رخصة atpl و عندي الفحص الطبي من الدرجه الاولى لاكاديمية الفجيره احتياطا لو ما قبلوني طيران الامارات

لكن لعل و عسى ان هذي الرخصه تبين لهم حبي بالطيران و تيسر قبولي

وشكرا لك على الرد

[mr. crash]

لا يا طويل العمر... مجرد تقدمك للالتحاق بالكلية يكونوا خذو فكرة عن مدى عشقك للموضوع.
وبالعادة مافي رفض الا لاسباب صحية... دام السجلات الامنية اوكي.
الله يوفقك ونشوفك طيار.
ونحن على الدوام سريعين بالرد.

[ibrahim alshamsi]

الحين انا مرتين مقدم على الطيران

والحين بتعالج هذا الاسبوع او الي بعده بعالج عيوني

وان شااء الله الثالثه ثابته و يقبلوني هالمره

لكن المقابله تحدد المصير قبول او رفض

الله ييسر ان شاء الله

و انا جاد اريد اخذ رخصة الطيران هذي حتى لو هوايه

[طيار الامارات]

مرحبا بك اخوي ابراهيم في ملتقى الامارات للطيران
انشاء الله تستفيد منا وتفيدنا في عالم الطيران
ماشاء الله اخوي مستر كراش ماقصر

بجاوب عليك بكل اختصار

ماراح تستفيد من اي رخصة طيران ماكرولايت في كليات الطيران مثل كلية الامارات وكلية الأفق.

ممكن تستفيد من رخصة ppl كخبرة سابقة ولكن لاينظرون لها بعين الاعتبار ولايحسبون لك اي شيء.

بخصوص نادي الجزيرة للطيران فإذا حبيت ان تحصل على رخصة طيران خفيف spl وتمارس هواية الطيران في نادي الجزيرة للطيران.

وشكرا لك

[mr. crash]

بالنسبة للرخصة في نادي الجزيرة: بتكلفك حوالي 12000 درهم. والفترة الزمنية هي 4 إلى 6 شهور انت وسرعة استيعابك.
طريقة الدفع ماعندهم مشكلة فيها... بس انك تكمل الدفعات قبل حصولك على الرخصة.
أما أوقات الدراسة فهي طوال أيام الأسبوع ماعدا الجمعة (على ما أذكر).
موقع النادي: هو على الطريق المؤدي إلى إمارة رأس الخيمة ولكن ليس من شارع الإمارات. وفي رقم مخرج إلى النادي لا أذكره تحديدا...
إذا اتصلت بالنادي وسألت عن الكابتن بوشار بتفهم منه كل شي لأني أعتقد بأن انجليزيته مهضومة (نوعا ما).

وهذا الموضوع ممكن يفيدك فيما تسعى إليه:

http://www.uaeflyingforum.com/arforu...hread.php?t=84

[طيار الامارات]

أما أوقات الدراسة فهي طوال أيام الأسبوع ماعدا الجمعة (على ما أذكر).

تصحيح بسيط
الجمعة فاتحين وهو اكثر يوم فيه زوار للنادي والسبت كذلك
الاجازة يوم الاحد

[الطنيجيه]

الله يوفقك اخوي ان شالله تحقق مرادك

[طيب السآس]

والله شفت لهم مقابله بالتلفزيون .. وبصراحه متحمس وايد اني اتعلم لآنه خلاص تعبت من السموليتر < .. ههههه اريد اجرب ع الواقع <
بس والله لما افكر اقول المشوار لراس الخيمه وانا من بوظبي ..
وآوقات الدوآم عندي 6 ايام بالاسبوع .. والفتره طويله للتدريب ...
يعني لو شهر باخذ سنويه وبيلس عندهمـ .. بس اكثر ما اعتقد ...
مردنا بالاخير للسموليتر .. مالنا غيرهـ .. والله يوفقنـآآ يميع ياربي ..
.
.